Është arrestuar nga Policia e Kosovës avokati Haxhi Çekaj, nën dyshimin se kishte keqpërdorur pozitën zyrtare duke mashtruar një klient të tij.
Zëdhënës i Policisë së Kosovës, Daut Hoxha e ka konfirmuar lajmin për lajmi.net, duke thënë se është arrestuar avokati nga Deçani, Haxhi Çekaj.
“Mund të ju konfirmojmë se sot rreth orës 13:10, Zyrtarë Policor nga Departamenti Special Antikorrupsion, kanë zbatuar Urdhëresën e lëshuar nga Gjykata Themelore Prishtinë-Departamenti për Krime te Renda, për Simulimin e Veprës se Korrupsionit, gjegjësisht veprës: Mashtrim sipas nenit 335 të KPK-së dhe Keqpërdorim i pozitës dhe autoritetit”, ka thënë Hoxhaj.
“Të gjitha veprimet e mëtutjeshme do të ndërmerren në konsultim me prokurorin kompetent”, ka shtuar ai.
