Komisioni Disiplinor i FFK-së ka pezulluar disa nga akterët e ndeshjes mes Kikës e Vushtrrisë, për shkak të sulmit fizik ndaj gjyqtarit Rrezart Hasani.
Ndeshja mes Kikës e Vushtrrisë ishte ndërprerë në minutën e 83-të për shkak të sulmit ndaj gjyqtarit Hasani.
Ai ishte kapur për fyti nga futbollisti Besfort Emini, e më pastaj ishe goditur me grushte, bëhet e ditur në vendimin e Komisionit Displinor të FFK-së.
Emini nuk është i vetmi futbollist që kishte sulmuar gjyqtarin Hasani. Për shkak të sulmit ndaj gjyqtarit është pezulluar edhe futbollisti tjetër i Kikës, Francisko Talison. Ai dyshohet se kishte goditur gjyqtarin kryesor të ndeshjes me mbrojtëse të këmbëve.
Ndeshja mes Kikës e Vushtrrisë ishte përcjell me tensione përgjatë tërë ndeshjes, teksa e kanë pësuar edhe disa zyrtarë të klubit për shkak të fyerjeve me skuadrën kundërshtarë si dhe futbollistë tjerë të skuadrës së Kikës.
Ndeshja mes Kikës e Vushtrrisë ishte ndërprerë në minutën e 83-të kur rezultati ishte në favor të skuadrës mysafire me rezultat 1:2.
FFK-ja ka vendosur që të pezulloj nga të gjitha aktivitet të dyshuarit për sulmin ndaj gjyqtarit Hasani, deri në kompletim të dosjes.