Kryediplomati austriak Alexander Schallenberg ka nisur një iniciativë të quajtur “Miqtë e Ballkanit Perëndimor, një grup prej shtatë shteteve anëtare të BE-së me qëllim të përshpejtimit të anëtarësimit drejt BE-së të vendeve të Ballkanit Perëndimor. Këtë pritet që Schallenberg ta bëjë të premten në “Europa-Forum” që do të mbahet në Austri.
“Austria, Greqia, Italia, Kroacia, Sllovakia, Sllovenia dhe Republika Çeke do të njihen si “Miqtë e Ballkanit Perëndimor” dhe janë të vendosur të ndërmarrin veprime të vendosura”, ka njoftuar Ministria e Jashtme austriake.
Bashkimi Evropian duhet “më në fund të vazhdojë me vendosmëri procesin e zgjerimit për Evropën Juglindore”, thuhet në deklaratën e MPJ austriake, raportoi APA.
“Me gjithë fokusin e duhur në Ukrainë, BE-ja nuk duhet të humbasë nga sytë shtetet e Evropës Juglindore”, shtohet në deklaratë.
I dërguari i posaçëm i SHBA për Ballkanin Perëndimor, Gabriel Escobar, do të marrë gjithashtu pjesë, së bashku me anëtarët kryesorë të shoqërisë civile boshnjake dhe diasporës në Austri.
Ministrat e Jashtëm nga grupi “Miqtë e Ballkanit Perëndimor” synojnë të miratojnë “Deklarata e Göttweig”, e cila thekson nevojën për një integrim më të fortë në BE të Ballkanit Perëndimor dhe nevojën për një “integrim gradual dhe të përshpejtuar” përpara anëtarësimit të plotë në BE, ka shtuar Ministria e Jashtme e Austrisë.