Është ndarë nga jeta këngëtari, instrumentalisi dhe udhëheqësi i grupit kulturor “Gjilani”, Nehat Ferati.
Lajmin pikëllues e kanë dhënë familjarët dhe miqtë në rrjetet sociale.
Për vdekjen e tij ka shkruar edhe nënkryetari i Lidhjes Demokratike të Kosovës, Lutfi Haziri.
“Ai më nuk do të jetë në mesin tonë fizikisht, por do ta kujtojmë përgjithmonë për kontributin e jashtëzakonshëm në sferën e kulturës në Gjilan e më gjerë.
Ngushëllimet më të sinqerta familjes, shokëve, kolegëve e farefisit. Lamtumirë, miku im!”, ka shkruar Haziri duke ndarë një foto me të.
Ai u lind më 1971 në fshatin Dunav, Malësia e Karadakut.
Gjatë gjithë aktivitetit në Ansamblin e këngëve dhe valleve “Gurra”, Nehat Ferati mori pjesë në mbi 200 paraqitje nëpër aktivitete të ndryshme kulturore.
