Një i ri shqiptar mësohet se është arrestuar në Itali, pasi dyshohet se është “koka” e një rrjeti të trafikut të drogës.
Mediat e huaja bëjnë me dije se ndalimi i shqiptarit është bërë më datë 22 prill në Ankona.
Gjatë kontrollit policor, janë gjetur dhe sekuestruar gjysmë kg hashash, kokainë, 450 euro dhe një pistoletë kalibri 9 të kompletuar me fishek, e fshehur nën sediljen e shoferit të makinës së tij, gati për përdorim, si dhe 14 fishekë të tjerë rezervë.
Sipas mediave, në jetën e përditshme, shqiptari “fshihej nën maskën” e një shitësi makinash të përdoruara. Gjatë hetimeve është zbuluar se ai furnizonte drejtpërdrejt shtytësit vendas, duke mos u marrë me tregti me pakicë.
I dyshuari u arrestua për armëmbajtje pa leje dhe për trafik droge.
