Gjatë ditës së hënë kanë ndodhur dy vetaksidente me vdekje, njëri në Shipashnicë te Kamenicës e tjetri në Baicë të Istogut.
Policia njofton se të hënën rreth orës 08:15 në Shipashnicë të Kamenicës, një mashkull kosovar ka vdekur pasi ka humbur kontrollin mbi veturën e tij duke u rrokullisur në një arë jashtë rrugës.
Vdekjen e viktimës e ka konstatuar mjeku kujdestar, ndërsa me urdhër te prokurorit trupi i pajetë është dërguar për obduksion.
Edhe mbrëmë rreth orës 20:00 në Baicë të Istogut një mashkull kosovar ka vdekur pasi ka humbur kontrollin mbi veturën e tij duke u rrokullisur jashtë rrugës.
“Aksidenti dyshohet se ka ndodhur për shkak të mospërshtatjes së shpejtësisë me kushtet e rrugës. Vdekjen e viktimës e ka konstatuar mjeku kujdestar në Spitalin e Pejës. Me urdhër te prokurorit trupi i pajetë është dërguar për obduksion”, thuhet në raportin 24-orësh të policisë.