Futbollisti me prejardhje nga Kosova, do të largohet nga Stoke City, pas rënies të këtyre të fundit nga Premierliga.
25 vjeçari në kontratën e tij me Stoke, ka një klauzolë që i mundëson largimin për 14.5 milionë euro.
Sipas raportimeve të para, për Xherdan Shaqirin ka interesim nga Gjermania. Janë dy skuadra që po kërkojnë shërbimet e tij.
Bëhet fjalë për Borussia Dortmundin dhe Eintracht Frankfurtin.
Shaqiri edhe në të kaluarën ka qenë pjesë e Bundesligës, ku ishte pjesë e Bayern Munich, me të cilën skuadër ka fituar Ligën e Kampionëve.
