Deputeti i Lëvizjes Vetëvendosje, Enver Dugolli, beson “pa asnjë dyshim” se në zgjedhjet e ardhshme parlamentare Lëvizja Vetëvendosje “do të tejkalojë” rezultatin zgjedhor paraprak prej 50.2%.
“Padyshim që rezultati i zgjedhjeve të 14 shkurtit 2021 do të tejkalohet, ne do të marrim edhe më shumë mbështetje se atëherë dhe për këtë jemi të sigurt. Po punojmë çdo ditë që ta bindim edhe atë pjesë të qytetarëve që mbase kanë qenë në dyshime dhe nuk kanë besuar në premtimet dhe punën e qeverisë mirë, të Qeverisë Kurti dhe jemi të sigurt se do ta tejkalojmë rezultatin e 2021-ës”, tha Dugolli për gazetën Blic.
