Dua Lipa tregon një sekret nga profesioni i saj

Dua Lipa ka rrëfyer një sekret të profesionit të saj. Përpara se të ngjitet në skenë për të dhënë koncertin e radhës, këngëtarja me famë botërore nga Prishtina,  pi një gotë çaji me mjaltë manuka dhe limon.

Mjalti me këtë emër prodhohet në Australi nga lulet manuka. Gjithashtu Dua shtone se shëtit dhe argëtohet me grupin e saj 10 ose 15 minuta para se të ngjitem në skenë.  Këtë rrëfim ajo e ka bërë gjatë një interviste të dhënë për  “Teen Vogue”.

Në intervistë Dua ka dhënë njoftimin e shumëpritur për fansat e saj, se në muajin qershor do të nxjerrë në treg albumin e saj të parë, por paraprakisht do të publikon edhe një këngë të shoqëruar me videoklipe.