Drita do të ndeshet sonte nga ora 20:00 me Viktoria Plzen në ndeshjen e kthimit të raundit të dytë kualifikues në Ligën e Konferencës.
Ndeshja e parë e zhvilluar në Çeki u mbyll me rezultat të barabartë 0:0 dhe “Intelektualët” kanë një mundësi shumë të mirë sonte në stadiumin “Fadil Vokrri”.
Ndërsa, vet klubi gjilanas ka dalë me një njoftim për media lidhur me tifozët.
Ata njoftuan se ka kolonë në rrugën Gjilan-Prishtinë për shkak të punimeve, andaj ka lutur tifozët që të mos e presin momentin e fundit.
“Kolona të automjeteve shkak të punimeve në magjistralen Gilan-Prishtinë!Mos e prit momentin e fundit, FC DRITA ju pret në stadiumin FADIL VOKRRI”, thuhej në njoftim.
