Drilon Hajrizi është anëtari i ri i Sigal Prishtinës

Sigal Prishtina ka njoftuar se ka nënshkruar me basketbollistin e Kosovës, Drilon Hajrizin, i cili sezoni e kaluar ishte te Peja.
Ishte paralajmëruar se Hajrizi do të rikthehej te Trepça, por si duket Prishtina e ka rrëmbyer në momentet e fundit. /Express/
“Tifozë të dashur, ju njoftojmë se KB SIGAL Prishtina ka arritur të nënshkruajë kontratë me reprezentuesin e Kosovës, Drilon Hajrizin’, thuhet në njoftimin e Prishtinës, përcjell Express.
“Driloni vjen në KB SIGAL Prishtina pas një edicioni historik ku klubi jonë fitoi tripletën, ndërsa ai u shpreh i gatshëm që ta ndihmojë klubin në edicionet e ardhshme në përmbushjen e synimeve të zakonshme të klubit tonë: Mbrojtja e Titullit të Kosovës dhe BIBL-së, Mbrojtja e Kupës, si dhe kalimin e fazës së parë në FIBA Europe Cup”, vazhdon njoftimi. /PrishtinaPress.eu/