Kryetari i Komisionit Parlamentar për Kosovë, Milovan Drecun, ka thënë të martën se ushtria e Kosovës është “sigurisht një faktor i rrezikimit të sigurisë së serbëve”, dhe pohon se “kjo mund të reflektojë tejet negativ” në vazhdimin e procesit të normalizimit të marrëdhënieve mes Beogradit dhe Prishtinës.
Drecun beson se presidenti i Kosovës Hashim Thaçi, me atë që e ka dorëzuar projekt-ligjin mbi transformimin e Forcës së Sigurisë së Kosovës në ushtri, përpiqet “të anashkalojë edhe Kushtetutën e Kosovës dhe për të shmangur pajtimin e popullit serb, duke ditur se përfaqësuesit e serbëve nuk janë në Parlament, transmeton Tanjug.
