Ushtruesi i Detyrës së Kryeprokurorit të Shtetit, Besim Kelmendi, ka takuar sot kryesuesin e Këshillit Prokurorial, Jetish Maloku, dhe kryesuesin e Këshillit Gjyqësor, Albert Zogaj.
Në këtë takim u diskutua për mbarëvajtjen e procesit të punës në sistemin prokurorial dhe atë gjyqësor, pas situatës së krijuar në Prokurorinë dhe në Gjykatën Themelore në Mitrovicë.
Tre krerët institucional shprehën përkushtimin e tyre për të punuar bashkërisht për tejkalimin e gjendjes së krijuar pas largimit të gjykatësve, prokurorëve dhe punonjësve administrativ nga procesi i punës dhe u diskutua për modalitetet e organizimit dhe mbarëvajtjes sa më efikase të punës për qytetarët e kësaj pjese.
Ata u pajtuan që të ndërmarrin sa më shpejtë të gjitha masat e nevojshme për organizmin e procesit të punës në pajtim me aktet ligjore në fuqi, me qëllim që institucionet e drejtësisë të funksionojnë dhe të mos krijohet zbrazësi shërbimesh në rrethanat aktuale./Prishtinapress/
