Doktori kosovar Franë Marleku i cili punon në Kroaci si specialist i Radiologjisë, po qëndron këto ditë në Kosovë. Marleku i cili vitin e kaluar sipas vlerësimit të pacientëve, mori çmimin si doktori më i mirë, sot është pritur nga Ministri i Shëndetësisë Arben Vitia bashkë me drejtoreshën e Klinikës së Radiologjisë në QKUK Shkëndije Nuza.
Ministri Vitia pas urimit për suksesin që ka arritur Marleku, bashkëbiseduan për mënyrën që storiet e suksesit që arrijnë bashkatdhetarët tanë në sektorin e shëndetësisë, të mund të shpërndahen edhe me profesionistët shëndetësorë në vendin tonë.
Nga e tij, Dr. Franë Marleku, shprehu gatishmërinë e tij për bashkëpunim në shumë drejtime, në mënyrë që të krijohen hapësira për trajnime e organizime tjera të përbashkëta.
“Bashkatdhetarët tanë, sukseset dhe përvojat e tyre, do ta kenë çdo herë derën e hapur në Ministrinë e Shëndetësisë”, tha ndër të tjera minsitri Vitia./PrishtinaPress/
