Dogana e Kosovës gjatë kontrollit në Kamenicë ka zbuluar mallrat të kontrabanduara.
Gjatë kontrollit në një biznes në Kamenicë janë gjetur cigare, duhan të grirë dhe cigare elektronike.
Dogana ka njoftuar se këto mallra janë sekuestruar dhe janë nis procedura kundërvajtëse ndaj këtij biznesi.
Njoftimi i plotë:
Kontrolli doganor zbulon mallra të kontrabanduara
Kamenicë 28 gusht 2023 pas pranimit të informacionit përmes rrugëve operative, zyrtarët doganor të Sektorit Antikontrabandë kanë kryer kontrolle te një biznes në Kamenicë.
Me këtë rast, është hasur në një sasi të konsiderueshme të mallrave të kontrabanduar, përfshirë cigare, duhan të grirë dhe cigare elektronike.
Mallrat e kontrabanduara janë sekuestruar dhe janë nisur procedurat kundërvajtëse ndaj biznesit.
Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi
