Dogana e Kosovës ka nënshkruar së fundi kontratën për furnizim me letër higjienike.
Ky furnizim i Doganës së Kosovës i ka kushtuar buxhetit të vendit hiç më pak se 945 euro, tender ky me çmimin më të ulët pasi vlera e parashikuar e kontratës ishte 999 euro.
Kohëzgjatja e kësaj kontratë thuhet të jetë deri në përfundim të furnizimit por jo më shumë se një muaj.
Numri i kërkesave për tërheqje të Dosjes së Tenderit ishin 10, numri i tenderëve të pranuar është 1, përderisa afati kohor për dorëzim të tenderëve ishte normal, shkruan Indeksonline.
Kontrata për furnizim, të letrave higjienike është nënshkruar me operatorin, NTP ‘Troja”, biznes ky i vendosur në Prishtinë.
