Kryetari i Prishtinës, Përparim Rama, njofton se ka nisur instalimi i sistemit të lidhjes me ngrohje qëndrore të një pjesë të lagjes Lakrishtë.
Sipas njoftimit të kryetarit në Facebook, instalimi po bëhet në një sipërfaqe prej 17 mijë e 500 metrash katërore dhe se nga ky instalim do të përfitojnë 230 familje të lagjes “Lakrishtë”.
“Ka filluar instalimi i sistemit të ngrohjes edhe në lagjen “Lakrishtë” me një sipërfaqe prej 17500 metrash katrorë, nga e cila do të përfitojnë 230 familje”, thuhet në postimin e Ramës.
Komuna e Prishtinës ka premtuar zgjerim të rrjetit të ngrohjes së Termokosit në lagjet jashtë qendrës, të cilat nuk kanë pasur qasje në ngrohjen qendrore./Prishtinapress/
