Këngëtarja e njohur, Diona Fona, ka publikuar ditën e sotme (e enjte) këngën e re.
“Pistole” titullohet projekti, për të cilin ka bashkuar forcat me reperin nga Shqipëria, Marin.
Teksti dhe melodia është bërë nga Tonic, Denk dhe Marin, kurse për miksimin po ashtu u përkujdes Tonic dhe DjR Beatz.
Diona Fona (Foto: YouTube)
Edhe masterizimin e ka realizuar ky i fundit dhe producimi i këngës nga produksioni ‘Panda Music’.
Projekti, i shoqëruar me klip, e shfaq Fonën në formë të mahnitshme dhe me paraqitje atraktive skenike.
Ky është bashkëpunimi i tyre i parë, i cili pritet të ketë suksesin e dëshiruar nga fansat e publiku.
Diona këtë vit ka qenë mjaft aktive duke qenë se solli edhe disa bashkëpunime të suksesshme me emra të njohur të muzikës.