Deputetja e Lidhjes Demokratike të Kosovës, Doarsa Kica-Xhelili, ka folur në lidhje me sfidën më të madhe të vitit 2024.
Në një intervistë në “Klan Kosova”, ajo u shpreh se një diagnozë e gabuar mjekësore për vajzën e saj në QKUK, ishte një prej periudhave më të vështira të ballafaqimit.
“Ky vit ka qenë sfidues përgjithësisht. Sidoqoftë, përtej çdo vështirësie që sjell puna ime, periudha më e vështirë është ballafaqimi me një diagnozë të gabuar mjekësore të vajzës time, në QKUK. Ishte muaji më sfidues i jetës time. Fatmirësisht, me mbështetje të pakusht nga familja dhe disa kontrolla shtesë jashtë vendit, përfundoi me lajme pozitive. Sidoqoftë, reflektimi i mëpastajmë për çdo prind që ballafaqohet me gjendje shëndetësore të fëmijës, është tjetër botë.
Këtë çështje e kam adresuar edhe në institucionet përkatëse” – ka thënë ajo.
