Vetëm dy javë pas dhunimit të 11 vjeçares nga pesë persona, në Prishtinë edhe një 16 vjeçare nga Gjilani është dhunuar seksualisht nga dy persona. Lidhur me këtë rast tashmë në pranga kanë përfunduar dy persona.
Bazuar në dëshminë e vajzës që ka dhënë para hetuesve policorë, dy të dyshuarit kanë kryer marrëdhënie seksuale me të për dy muaj.
Sipas burimeve të Sinjalit, rasti ka ndodhur përgjatë muajve mars dhe në prill, periudhë kjo kur e mitura ka qenë jashtë shtëpisë.
Gjithçka dyshohet se ndodhi në fshatin Velekincë të Gjilanit, pasi 16-vjeçarja nisi shoqërimin me dy të dyshuarit, të moshave të reja.
Personat e arrestuar janë vëllezërit Lorent Murseli, 19-vjeçar dhe Artir Murseli, 24-vjeçar, të cilët tashmë janë dërguar në Qendrën e Mbajtjes.
