Bëhet fjalë për çiftin “Jefferson dhe Jessica” nga Portugalia ku teksa po bëheshin betimet, Jefferson ndaloi për të dhënë deklaratën e veçantë duke u shprehur se zemra e tij i përket dikujt tjetër.
“Të gjithë janë mbledhur këtu për një arsye. Por është një person që e ka bërë të mundur këtë. Dhe fjalët që do them tani janë për të”, u shpreh Jefferson duke shokuar dasmorët.
Dhëndri shkoi tek vajza e bashkëshortes, Giovanna të cilën ajo e ka nga martesa e parë dhe u ul në gjunjë.
“E di që të besdis ndonjëherë, të them të lash dhëmbët dhe të krehësh flokët. Por unë gjithashtu të jap dashuri, mirësi dhe dua gjithnjë të të mbroj. Nuk i shpjegoj dot ndjenjat që kam për ty… Nuk e shpjegoj dot dashurinë që kam për ty, sepse mendoj që dashuria nuk ka shpjegim.
Por nëse do i kërkoja diçka Zotit do ishte që ti të bëhesh vajza ime. Do isha babai më krenar në botë. Të premtoj që do të fal gjithmonë dashuri, do të të mbroj dhe do të të bëj të lumtur. Të dua”, u shpreh me lot në sy Jefferson.
Të gjithë dasmorët u përlotën ndërsa Giovanna mori mikrofonin dhe tha: “E pranoj të jetë babai im nga thellësia e zemrës. Do jem gjithmonë e lumtur me të”.
Jefferson u përqafua me vajzën e bashkëshortes dhe më pas dasma vazhdoi normalisht.xing
