Një ngjarje e rëndë është regjistruar pak minuta më parë në Shëngjin ku është vrarë me armë zjarri shtetasi Ardian Nikulaj, një eksponent i rëndësishëm në qytetin e Lezhës.
Ai është qëlluar në biznesin e tij. Bëhet se ditur se kanë qenë dy persona që e kanë qëlluar me armë zjarri Nikulajn dhe janë larguar menjëherë.
Nikulaj ka qenë kandidat për deputet në zgjedhjet e vitit 2021 nën siglën e PSD, por po ashtu ka qenë në listën për Këshillin Bashkiak edhe për zgjedhjet e “14 Majit”.
Nuk dihet nëse kjo ngjarje ka të bëjë më zgjedhjet, apo me probleme të tjera që mund të ketë pasur Nikulaj.
Në zonë ka kamera të shumta sigurie që do të përdoren nga policia për zbardhjen e kësaj ngjarjeje.
Ende nuk është ngritur një pistë hetimi, pasi policia është e angazhuar në identifikimin dhe arrestimin e autorëve.
Rreth orës 13:30, në rrethana ende të paqarta, është vrarë me armë zjarri, në ambientet e lokalit të tij, shtetasi A. N. 50 vjeç, banues në Shëngjin.
Shërbimet e Policisë dhe grupi hetimor kanë shkuar menjëherë në vendngjarje.
Janë ngritur pika kontrolli dhe është rrethuar zona ku vijojnë kontrollet për kapjen e autorit/ve.
Grupi hetimor, në drejtimin e Prokurorisë, vijon punën për zbardhjen dhe dokumentin e plotë të ngjarjes. /abcnews.al