As kryetari i AAK’së Ramush Haradinaj nuk është takuar me presidenten Vjosa Osmani ku pritej të diskutonin për draft-statutin e Asociacionit të Komunave me Shumicë Serbe.
Lulzim Blaka, drejtori për Informim në AAK tha për Insajderin se takimi nuk është realizuar për shkak se Osmani nuk ka respektuar orarin e caktuar nga vetë ajo.
“Ne kishim vullnet për të biseduar me znj. Osmani për çështjet me rëndësi për vendin, veçanërisht për draft-statutin e Asociacionit; e per këtë qëllim Kryetari Haradinaj, ishte në kohën e caktuar në Presidencë. Por, takimi nuk ndodhi, pasi që znj. Osmani nuk e respektoi orarin që e kishte caktuar vet”, ka thënë Blaka.
Osmani është takuar vetëm me një parti opozitare për të folur për draft-statutin, me kryetarin e LDK-së, Lumir Abdixhiku pasi edhe lideri i PDK’së Memli Kranisi ka refuzuar ftesën.
/Gazeta Insajderi/
