Komisioni Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm dhe zyrtarëve të Ministrisë së Punëve të Jashtme dhe Diasporës, nuk ka arritur ta hartojë listën e dëshmitarëve për intervistim, për shkak të mungesës së kuorumit.
Të pranishëm ishin vetëm kryetarja e Komisionit, Time Kadriaj dhe anëtarët, Fitore Pacolli e VV-së dhe Ariana Musliu-Shoshi e PDK-së.
Kjo nuk është hera e parë që ky komision dështon për shkak të kuorumit, pasi situatë e njëjtë ishte edhe të martën ku munguan deputetët e Lëvizjes Vetëvendosje, raporton EO.