Komamdanti i UÇK-së për zonën e Llapit, Rrustem Mustafa, ka dëshmuar sot para Dhomave të Specializuara.
Ai është marrë në pyetje nga Prokuroria e Specializuar, dhe në fillim ka treguar se më 15 shtator ka qenë dita e parë kur ka marrë pjesë në betejë. Saktësisht në betejën e Kaçandollit.
Remi është përballur nga Prokuroria me disa dokumente që tregonin për raportet që duhet të kenë zonat e ndryshme me vëzhguesit e OSBE-së, raporton Nacionale.
Këtu, Remi ka përmendur edhe Jakup Krasniqin e Lirak Qelajn.
Përgjigjet e plota:
Prokurorja: Nëse lexoni paragrafin 4 dhe ka të bëj me luftimet në zonën e Llapit. A është kjo beteja që po e përshkruanit më herët?
Rrustem Mustafa: Po.
Prokurorja: Më pas, a e erdhi një periudhë kur pati armëpushim?
Rrustem Mustafa: Po.
Prokurorja: Sapo përmendët ardhjen e OSBE-së. Çfarë qëllimi kishte?
Rrustem Mustafa: Mendoj vëzhgimin e luftës që po zhvillohej në Kosovë dhe ndërmjetësimin mes dy palëve.
Prokurorja: A mund ta lexoni me zë këtë dokument?
Rrustem Mustafa: 10.11.1998 në Prishtinë.
Prokurorja: I kujt është nënshkrimi?
Rrustem Mustafa: Shihet qartë se është i zëdhënësit të Ushtrisë Çlirimtare, Jakup Krasniqi.
Prokurorja: Ky është dokument që i është drejtuar zonave operative?
Rrustem Mustafa: Adresimi po shihet këtu që po.
Prokurorja: A iu kujtohet ky dokument?
Rrustem Mustafa: Po e shoh tani si dokument, por nuk më kujtohet.
Prokurorja: Është një dokument që jep udhëzime, tregon si të veprohet me gazetarët, vëzhguesit e diplomatët.
Rrustem Mustafa: Unë e di që është diskutuar brenda radhëve të UÇK-së mirësjellja me vëzhgues e gazetarë por edhe me gjithçka që komunikonte me luftën tonë, por dokumenti nuk po më kujtohet.
Prokurorja: A ka ndodhur që është caktuar një person për komunikim me vëzhgues?
Rrustem Mustafa: As sot nuk e di kush ka qenë. Për zonën e Llapit e kam caktuar unë, jo shtabi i përgjithshëm.
Prokurorja: Kush ishte?
Rrustem Mustafa: Kam pasur tre ose katër persona. Ismet Cakiqi, Lirak Qelaj, Hysen Fazliu dhe eprorët e lartë të zonës shefi i shtabit, zëvendësi im dhe komandantët e brigadave.
Prokurorja: Lexojeni titullin e këtij dokumenti me zë
Rrustem Mustafa: UÇK, shtrirja e saj në terren dhe raporti i saj me vëzhguesit e OSBE-së.
Prokurorja: A mund ta lexoni datën me zë në fund?
Rrustem Mustafa: Prishtinë, 19.11.1998
Prokurorja: A e njihni nënshkrimin e këtij dokumenti?
Rrustem Mustafa: Po.
Prokurorja: A e shihni që Fatmir Humolli është caktuar si ndërlidhës për zonën e Llapit?
Rrustem Mustafa: Po më duket është gabim.
Prokurorja: Ju nuk e dini që ai ka pasur ndonjë rol me OSBE-në?
Rrustem Mustafa: Më së paku është marrë me këtë çështje. Mund të jetë takuar, caktuar, por nuk e paskam ditur këtë g
