Kampioni i Kosovës, Ballkani do të bëhet skuadra e parë kosovare që do të luajë në fazën e grupeve të një gare për klube të UEFA-s, pasi ata do të debutojnë sonte në Ligën e Konferencës.
Përballë tyre do të jetë ekipi nga Rumania, Cluj.
Për Cluj, kjo është hera e dytë radhazi që marrin pjesë në fazën e grupeve të Ligës së Konferencës.
Ballkani dje në mbrëmje njoftoi se biletat për këtë takim do të jenë në shitje deri sot në orën 15:00.
Ende është një numër shumë i madh i biletave të lira në stadiumin “Fadil Vokrri” për këtë ndeshje historike.
