Kryetarja e Komisionit për Politikë të Jashtme në Parlamentin britanik, Alicia Kearns ka komentuar zhvillimet e fundit në kuadër të dialogut mes Kosovës dhe Serbisë.
Kearns përmes një postimi në Twitter ka pyetur përfaqësuesit e Gjermanisë, Fancës dhe Italisë se pse po kërkojnë të rrënjosin një territorialitet entik në Kosovë.
E gjithë ky reagim i diplomates britanike erdhi si rezultuar i një komenti që kishte bërë Jakub Bielamowicz, njohës i zhvillimeve politike për Ballkanin Perëndimor, që tha se letra e përbashkët e zyrtarëve të Italisë, Gjermanisë e Francës, që i kërkon Kosovës ta themelojë Asociacionin “plotësisht dhe pakushte”, është presion për ndarjen de facto.
Kryetarja britanike e Komisionit për Politikë të Jashtme ka deklaruar javë më parë se Britania e Madhe nuk do të mbështesë formimin e “Republikës Srpska” në Kosovë.
