Deputetët e Nismës për Kosovën kanë qenë të gatshëm natën e 22 dhjetorit që të votojnë pro zhbërjes së Dhomave të Specializuara të Gjykatës Speciale.
Por pas më shumë se një muaji deputetët e kësaj partie kanë sqaruar se kërkesa e kryetarit të partisë, Fatmir Limajt është ndryshe që Gjykata Speciale të mos votohen për dallim nga 22 dhjetori.
“Ne kemi dhënë nënshkrimin, kemi qenë të gatshëm ta votojmë iniciativën e parlamentit por nuk kemi qenë të gatshëm të ndryshohet titullarin. Kemi qenë të gatshëm të shkojë deri në fund kjo iniciativë të hapet debati të amandamentohet ligi apo neni që ishte në ligj dhe të dërgohet në Qeveri për mendim dhe të kthehet në kuvend të votohet kjo ishte ideja”, ka thënë deputeti i Nismës Bilall Sherifi.
“Vendimi i partisë tash është ndryshe e keni pa qëndrimin e Limajt, tani ai thotë se zhbërja e Gjykatës Speciale është me e dëmshme se në vitin 2015 që ka qenë. Kryetaret e partive politike 2 apo 3 kanë thënë publikisht se zhbërja e Gjykatës Speciale është e dëmshme. Dhe ata kanë ardhur në përfundim se zhbërja e Speciales është e dëmshme, andaj të mos i sfidojnë deputetët”, ka thënë Sherifi.
