Deputeti i Lëvizjes Vetëvendosje, Hydajet Hyseni ka folur për zëvendëskryeministren dhe ministren e Punëve të Jashtme, Donika Gërvalla, e cila me rastin e Ditës së Çlirimit e shkroi një urim ku nuk e përmendi UÇK-në.
Hyseni tha në Frontal të T7 se nuk e ka parë e as dëgjuar urimin e Gërvallës, por dha një sugjerim.
“Sugjerimi im është që të mos shikojmë fjalët, degët, por të shohim rrënjët. Megjithatë, zonja Gërvalla është bija e një familjeje të masakruar, të heroizuar dhe që ka kontribuar shumë”, tha ai.
Deputeti tha se ushtarët e UÇK-së janë “baza e të gjitha të arriturave”.
“Një gjë mund të them, lufta çlirimtare është themeli i lirisë, e luftëtarët çlirimtarë janë baza e të gjitha të arriturave dhe askush s’duhet ta kontesojë”, tha Hyseni.
“Nuk mund të komentoj diçka që nuk e kam dëgjuar, diçka që nuk e besoj. Thjesht është mirë që kjo pyetje t’i shtrohet të tjerëve”, tha ndër tjerash deputeti i LVV-së.
Ndiqeni këtu emisionin Frontal.
