Deputeti i Partisë Demokratike të Kosovës, Bekim Haxhiu, ka akuzuar qeverinë Kurti dhe qeverinë Hoti për menaxhimin e pandemisë COVID-19.
Haxhiu ka thënë se gjatë pandemisë janë bërë vjedhje të mëdha, transmeton Telegrafi.
“Ka vjedhur gjatë pandemisë ky koalicion i shpresës, me një kompani ka përfituar mbi tre milionë euro, këtë kompani që e udhëheq një aktiviste e LVV-së. Përfitoi kontrata gjatë pandemisë, dhe ato kontrata i nënshkroi Arben Vitia. Në ato kontrata nuk shihej kualiteti prandaj duhet me pa se çfarë keni blerë nga 12 euro”, tha ai teksa grisi veshjet mbrojtëse të mjekëve.
Deputeti ka thënë se gjatë pandemisë janë vjedhur nga thasë për kufoma e deri në Thesar të Shtetit. /Telegrafi/
