Tre perfaqesues të Lëvizjes “Vetëvendosje”, në mesin e tyre dy deputetë, po marrin pjesë në një forum në Novi Pazar të Serbisë.
Indeksonline ka raportuar se bëhet fjalë për forumin “Ushtrimi i të drejtave të pakicave në procesin e integrimit evropian dhe euro-atlantik të Ballkanit Perëndimor”.
Në mesin e gjashtë penalistëve, janë dy deputetët e Kurtit, Armend Muja dhe Fatmire Kollçaku si dhe Sami Kurteshi nga KQZ-ja.
Nga ana e tij, deputeti Armend Muja ka publikuar një fotografi nga forumi në fjalë.
“Tribuna: Realizimi i të drejtave të pakicave në procesin e integrimit evropian të vendeve të Ballkanit e mbajtur në Novi Pazar, Sanxhak së bashku me përfaqësuesit e Lëvizjes Vetëvendosje Fatmire Kollçaku/Sami Kurteshi dhe përfaqësuesit e Luginës Shaip Kamberi/Ragmi Mustafa”, ka shkruar Armend Muja.