Darya Trepova është dënuar me 27 vjet burg për vrasjen e blogerit pro-luftës, Vladlen Tatarsky prillin e kaluar.
Tatarsky u vra nga një bombë në një statujë që e la Trepova, teksa ishte gati të mbante një fjalim në Shën Petersburg. Dhjetra u plagosën nga shpërthimi, shkruan BBC.
Trepova, 26 vjeçe, mohoi akuzat, duke thënë se ajo mendonte se statuja përmbante një pajisje dëgjimi.
Dënimi është një nga më të ashprat e shqiptuara ndaj një gruaje në historinë e Rusisë.
Sulmi ndaj Tatarsky, 40 vjeç, (emri i vërtetë Maxim Fomin) ndodhi më 2 prill të vitit të kaluar.
Trepova akuzohej në bazë të kodit penal për “veprim terrorist të kryer nga grupi i organizuar i shkaktuar vdekje me dashje” dhe “mbajtje pa leje të mjeteve shpërthyese nga një grup i organizuar”.
Hetuesit rusë kanë akuzuar Ukrainën se qëndron pas sulmit dhe zyrtarët ukrainas as e kanë konfirmuar e as mohuar këtë.
