Gjykata Themelore e Prishtinës ka dënuar me kusht deputetët Albin Kurtin, Albulena Haxhiun, Donika Kadaj Bujupin dhe Faton Topallin.
Kryetari i trupit gjykues, Beqir Kalludra shqiptoi dënimin, ku tha se është bërë edhe ndryshimi i akuzës.
“Gjykata i gjykon 1 vit e 6 muaj Albin Kurtin, Albulena Haxhiu 1 vit e 3 muaj, Donika Kadaj Bujupi 1 vit e 6 muaj, Faton Topalli 1 vit e 2 muaj”, tha ai.
Dënimet e shqiptuara me burgim nuk do të ekzekutohen nëse gjatë dy viteve nuk kryejnë vepra të tjera penale. Brenda 15 ditësh kanë të drejtë të parashtrojnë ankesë.
