Një dem është parë duke “sfiluar” në mes të një rruge të qytetit Sharlot të shtetit Karolina Veriore në Amerikë.
Autoritetet thanë se mëzati u iku teksa po bëheshin përpjekje për ta larguar atë në një vend më të sigurt, për shkak të motit të ligë.
Po ashtu, ngasësit e makinave që u ra hise ta takonin demin në rrugë thanë se ai frikësohej shumë nga bubullimat e vetëtimave.
Përgjegjësit nga organizata për kontrollin e kafshëve thanë se mëzati nuk është gjetur ende, ani se u kërkua edhe me dronë, të hënën e të martën, në zonën e Sharlot-Meklenburg.
Ata u kanë bërë thirrje qytetarëve që mund ta shohin atë, ta lajmërojnë menjëherë te autoritetet përkatëse.
