Deputetja e Partisë Demokratike të Kosovës Blerta Deliu, ka thënë se derisa çmimet janë rritur, minatorët nuk i kanë marrë rrogat për dy muaj, kurse Kryeministri, Presidentja, Ministrat e Kryeshefat sot i kanë marrë pagat e tyre.
Ajo në nje postim në “Facebook” ka kërkuar shperndarjen e pagave për minatorët duke thënë se familjet e tyre meritojnë më shumë. “Minatorët e Trepçës, në kulmin e rritjes së çmimeve dhe shpenzimeve familjare, qe 2 muaj pa paga. Ndërkohë sot, të gjithë bartësit e institucioneve, nga Presidentja, Kryeministri, Ministrat e Kryeshefat – kanë marrë pagat e tyre. Kjo situatë nuk guxon të shtyhet më shumë. Siguroni pagat për këta minatorë. Ata dhe familjet e tyre meritojnë më shumë dhe më mirë!”, shkruan Deliu.
