Deputetja e Partisë Demokratike të Kosovës, Blerta Deliu-Kodra ka thënë se nuk do ta votojë kandidaten për kryeparlamentare nga Lëvizja Vetëvendosje, Albulena Haxhiu.
Kodra-Deliu përmes një postimi në rrjetin social në Facebook ka shkruar se Haxhiu ka katër vjet në krye të drejtësisë, mirëpo siç tha ajo “pa i shërbyer drejtësisë’.
Ajo po ashtu u shpreh se është një ministre që ka shkelur Kushtetutën disa herë.
“Katër vjet ministre — pa integritet profesional, pa vizion bashkues. Një ministre që ka shkelur Kushtetutën disa herë. Që ka dëmtuar financiarisht mbrojtjen e UÇK-së. Që ka humbur e djegur provat e rastit Dehari. Që ka përçarë në vend se të bashkojë. Kjo nuk është kryetarja që i duhet Kuvendit të Kosovës”, ka shkruar Deliu-Kodra.
Kandidatura e Albulena Haxhiut, të propozuares së Lëvizjes Vetëvendosjes për kryeparlamentare, dështoi në dy seanca. Formalisht, në seancën e të shtunës. Praktikisht edhe në seancën e të hënës, kur LVV-ja refuzoi ta hidhte kandidaturën e saj në votim. /Paparaci.com
