I pari i LDK’së dhe njëherësh kandidati për kryeministër, Lumir Abdixhiku ka folur për gjuhën e përdorur të Albin Kurtit.
Abdixhiku në emisionin Pressing në T7 thotë se i ka ndërprerë komunikimet politike me të, qysh në momentin kur në Kuvend i është drejtuar me shprehjen: “Ty po të kërkon Vuçiqi”.
Ai thotë se gjuhën që ai e përdor tregon arrogancë.
“Del në Kuvendin e Kosovës, edhe i drejtohet një kolegut të tij të deridjeshëm sic ishte puna ime edhe thtoë: ty po të kërkon Vuciqi. Kjo gjuhë, kjo është arrogancë. Unë nuk kam dasht ti përgjigjem ashtu, kam thënë në rregull, këtu përfundojnë komunikimet tona politike, nuk mund të punoj me dikë që më konsideron të tillë, qoftë edhe për argumente politike, sepse është e ulët, edhe politikja i ka disa rregulla, fundja jemi njerëz”, përfundon Abdixhiku.
