Lutfi Haziri, nënkryetari i Lidhjes Demokratike të Kosovës (LDK), shprehu skepticizëm rreth paralajmërimeve të qeverisë në lidhje me kërcënimet e mundshme nga Serbia, duke sugjeruar se këto pretendime janë kryesisht për manovra të brendshme politike.
“Gjithmonë janë serioze dhe gjithmonë janë trajtuar me seriozitetin më të madh. Por, kanë qenë këto kërcënimet e vlerësuar brenda institucioneve. Ajo çka po ndodhë tani për dallim, është bërë çështje ditore dhe konsum politik i vazhdueshëm duke e sjellë në emër të lajmit dhe në emër të vlerësimeve përtej kësaj, çdo ditë”, ka thënë ai, për emisionin “Five” në RTV Dukagjini.
