Kryeministri i Republikës së Kosovës, Albin Kurti që kur ka ardhur në pushtet duket se ka hequr dorë nga bashkimi kombëtar.
Ai në një intervistë me zë vitin e kaluar për revistën online “Monocle” ka folur për referendumin e mundshëm për bashkim me Shqipërinë, ku mes rreshtash lë të nënkuptohet se ka hequr dorë nga kjo ide, shkruan Demokracia.com.
Kurti tha se në të ardhmen do të votonte për bashkim me Shqipërinë, vetëm nëse do të kishte një referendum paqësor dhe demokratik.
“Në të ardhmen nëse do të prezentohej si një referendum demokratik në mënyrë paqësore do të votoja pro, por e përsëris prap, vetëm nëse do bëhej në mënyrë paqësore dhe demokratike”, ka thënë Kurti kur është pyetur prerazi se si do të votonte në një referendum për bashkim me Shqipërinë.
Duke bërë lojëra fjalësh Kurti duket sikur e përjashton idenë e opozitarit Albin Kurti, duke thënë se Kosova dhe Shqipëria janë dy shtete dhe se kanë të njëjtën gjuhë.
“Nëse do të kishte dy referendume njerëzit do të votonin për bashkim. Unë jam kryeministër këtu që fitoi mbi premtimin për punë dhe drejtësi dhe punësim për rininë. Në këtë mandat ky është prioriteti im, por në të ardhmen sigurisht që nuk do ta përjashtoja mundësinë, megjithatë mendoj se për një paqe dhe stabilitet të qëndrueshëm në rajon, mënyra më e shpejt dhe më e mirë përpara në të ardhmen është që gjashtë vendet e Ballkanit Perëndimor të integrohen në BE përnjëherë, disa s’duan të hyjnë në NATO por Kosova po. Kosova dhe Shqipëria janë dy shtete por kemi të njëjtën gjuhë dhe jemi një komb. Kur e deklaruam pavarësinë, e deklaruam kundër Serbisë dhe jo kundër Shqipërisë. Në anën tjetër ka shumë qytetarë në BE që kanë shtetësi të dyfishtë. Mendoj që ka edhe shumë që kanë tri pasaporta, dhe i inkrurajoj që të votojnë në të gjitha vendet ku janë qytetarë dhe kanë shtetësi. ”, tha ai./Prishtinapress/
