Anëtari i kryesisë së Aleancës për Ardhmërinë e Kosovës (AAK), Daut Haradinaj, ka kujtuar heroinën e kombit, Mervete Maksutaj.
Daut Haradinaj ka thënë se gratë e Kosovës janë tregim i jashtëzakonshëm, derisa Merveten e ka quajtur grua të rrallë me rol model e frymëzues.
“Gratë e Kosovës janë tregim i jashtëzakonshëm. Ato, jo vetëm që lindën e rritën trima e trimëresha, por edhe u rreshtuan në krah dhe barabartësisht me çlirimtarët tjerë. Nuk hezituan në asnjë moment, gjatë gjithë historisë, të mbajnë rol kyç e të shumëfishtë në përpjekjet për liri”.
“E tillë ishte edhe Mervete Maksutaj, një grua e rrallë, një heroinë, një rol model e frymëzuese për të tjerët, që u zgjuan nga gjaku i saj i dhënë për liri. Kosova të falënderon, trimëreshë!”, ka thënë Daut Haradinaj.