Thashethemet për një mosmarrëveshje mes ish-Presidentit dhe ish-Zonjës së Parë filluan të qarkullojnë pasi u njoftua se Michelle nuk do të merrte pjesë në inaugurimin e Donald Trump të hënën, duke e lënë Obaman të shkojë atje i vetëm.
Çifti janë parë rrallë së bashku publikisht që kur mbajtën fjalime në Konventën Demokratike pesë muaj më parë.
Michelle Obama anashkaloi funeralin shtetëror të Jimmy Carter në fillim të këtij muaji duke përmendur planifikimet si shkak.
Më vonë doli se ajo ishte në pushime në Haëaii pa burrin e saj, shkruan The Telegraph.
Megjithatë, ish-presidenti tani i ka hedhur poshtë thashethemet duke postuar një foto në Instagram e X ku ai dhe gruaja e tij kanë darkuar së bashku në ditëlindjen e saj, duke e quajtur atë “dashuria e jetës”.
“Urime ditëlindja dashuria e jetës time, Michelle Obama. Ti e mbush çdo dhomë me ngrohtësi, mençuri, humor dhe hijeshi – dhe dukeni mirë derisa e bëni këtë. Jam shumë me fat që jam në gjendje të ndërmarr aventurat e jetës me ty. Të dua”,shkroi Obama.
Happy birthday to the love of my life, @MichelleObama. You fill every room with warmth, wisdom, humor, and grace – and you look good doing it. I’m so lucky to be able to take on life’s adventures with you. Love you! pic.twitter.com/WTrvxlNVa4— Barack Obama (@BarackObama) January 17, 2025
