Janë publikuar pamje brenda ambienteve të banesës ku ka jetuar Dan Hutra, vrasësi serial i cili ditën e djeshme ekzekutoi me kallashnikov tre gra në kryeqytet.
Në këtë banesë kanë jetuar e ëma e Dan Hutrës, vëllai i tij së bashku me bashkëshorten dhe 3 fëmijët.
Në momentin që Dan Hutra ka lënë qelitë e burgut, ata janë zhvendosur në një tjetër banesë.
Prej më shumë se 6-muajsh banesa në zonën e Vaqarrit, është dhënë me qera te disa persona të tjera. Qiramarrësit janë larguar menjëherë sapo kanë mësuar se vëllai i autorit të krimit të djeshëm është personi që u ka dhënë me qera banesën.
Sipas gazetares së Euronews, familjarët e vrasësit serial janë larguar jashtë vendit. Mësohet se fqinjët kanë deklaruar jashtë kamerave se i vëllai që banonte në këtë banesë e kishte mohuar Dan Hutrën si vëlla.
Hutra u vu në pranga të mërkurën pas disa orësh në arrati në zonën e Sharrës, në periferi të Tiranës.
