Shefi i diplomacisë serbe, Ivica Daçiq ka folur sot për perspektivën evropiane të vendeve të Ballkanit Perëndimor, specifikisht Kosovës dhe Serbisë.
Daçiq ka shprehur dyshimet et ij se vendet e rajonit do t’i bashkohet Bashkimit Evropian. Kur e thotë këtë, Daçiq argumenton me faktin se në propozimin franko-gjerman ekziston vetëm një fjali ku thuhet që plani “hap perspektivën evropiane”.
Ai thotë se një fjali e tillë gjendet në propozim, pavarësisht faktit se sa i “ vështirë” dhe i “rëndë” është ai propozim për të dy palët.
“Nuk e di nëse ne do të presim të bëhemi shtete anëtare të BE-së. Për çfarë perspektive po flasim ne, kur ne e dimë që në propozimin franko-gjerman, pavarësisht se sa i vështirë dhe i dhimbshëm që është është për Beogradin dhe Prishtinën, ka vetëm një fjali që hap perspektivën evropiane”, ka thënë Daçiq duke rikujtuar deklaratën e Macron se s’duhet të ketë shtete anëtare.