Raportuesja e Parlamentit Evropian për Kosovën Viola von Cramon ka shkruar në Twitter se Kosova është dashur të jetë në Samitin për Demokraci dhe se mosftesa ishte gabim i administratës së Bidenit.
Ajo dha këtë përgjigje pas deklaratës së analistit politik Agon Maliqi, i cili vlerësoi se Kosova e meriton të jetë një nga pjesëmarrëset në këtë samit.
“Unë pajtohem që Kosova e meriton të jetë në Samitin e Demokracisë, por nuk e kuptoj se cilat arsye sigurie e pengojnë pjesëmarrjen e Kosovës. Ky është padyshim një gabim i administratës Biden, i cili, shpresojmë se ende mund të korrigjohet”.
