Ministri i Integrimeve Evropianë Bekim Çollaku thotë se ka kërkuar nga Bashkimi Evropian që të merr vendim pozitiv për vizat.
Ai këtë e bëri të ditur në Facebook duke i komentuar zhvillimet e sotme në Kuvend ku u tërhoq nga pika e rendit të ditës ratifikimi i Demarkacionit.
“Përkundër zhvillimeve të sotme në Kuvendin e Kosovës për tërheqjen nga agjenda të çështjes për ratifikimin e marrëveshjes për shënimin e vijës kufitare ndërmjet Kosovës dhe Malit të Zi, kërkoj nga BE-ja që të merr vendim pozitiv për liberalizimin e vizave për qytetarët e Kosovës”, tha Çollaku./lajmi.net