Nënkryetarja e PDK-së, Vlora Çitaku, ka folur për takimin që do të mbahet ndërmjet kryeministrit, Albin Kurti dhe Aleksandar Vuçiqit, shkruan GazetaDemos.
Ajo ka thënë se për herë të parë Kosova shkon në dialog si palë e sanksionuar nga aleatët.
“Si rezultat i qasjes së papërgjegjëshme dhe aventureske të Albin Kurtit, për herë të parë në historinë tonë të re, që nga Rambuje e tutje, në përballje me Serbinë, Kosova është pala e sanksionuar nga aleatët tanë”, tha ajo.
Postimi i plotë i saj:
Sot në Bruksel, Kosova ecë në një teren krejtësisht të panjohur.
Si rezultat i qasjes së papërgjegjëshme dhe aventureske të Albin Kurtit, për herë të parë në historinë tonë të re, që nga Rambuje e tutje, në përballje me Serbinë, Kosova është pala e sanksionuar nga aleatët tanë.
Sot, Kryeministri duhet të sillet përgjegjëshëm.
Kosova është më e rëndësishme se egoja e tij.
