Sekretarja e Përgjithshme e PDK-së, Vlora Çitaku ka reaguar lidhur me shtrenjtimin e energjisë elektrike.
Përmes një postimi në rrjetin social, Facebook, Çitaku shkroi se rritjet e çmimeve janë bërë barrë e papërballueshme.
“Kosova, viti 2025 – vendi ku jetesa po bëhet luks! Rritje pas rritjeje! Çmimet e produkteve më elementare – vezë, bukë, perime, ujë – po arrijnë majat. Energjia elektrike? Është bërë barrë e papërballueshme. Në çdo shtëpi ndjehet frika e faturës së ardhshme”, shkroi Çitaku, transmeton Klankosova.tv
Tutje, ajo shtoi se kjo qeveri është arrogante dhe e shurdhër, duke nënvizuar se janë larg nga realititeti.
“Dhe në këtë realitet të zymtë, kush është në krye? Një kastë qeverisëse e izoluar nga realiteti. Jo vetëm e paaftë për të adresuar hallet e përditshme të qytetarëve, por edhe arrogante, shurdhe. “Let them eat cake,” po thotë qeveria – me përbuzje, sikur po jetojmë në ndonjë pallat, jo në varfëri. Kjo nuk është më qeverisje – kjo është tallje me qytetarin. Dhe durimi ka kufi. Ndryshimi nuk vjen duke heshtur”, shkruhet ndër të tjerash në reagimin e Çitakut.
