Nënkryetarja e Partisë Demokratike të Kosovës (PDK), Vlora Çitaku ka reaguar pas publikimit të raportit të Departamentit amerikan të Shtetit për të Drejta të Njeriut (DASH) për Kosovën.
Përmes një postimi në rrejtin social “Facebook”, Çitaku ka kritikuar qeverinë duke thënë se vazhdon ta mbajë në detyrë ambasadorin Martin Berishajn.
“Qeveria Kurti II vazhdon ta mbajë në detyrë Ambasadorin Martin Berishajn. Pa një zor nuk e mbrojnë me kaq zell”, ka shkruar Çitaku.
Postimi i plotë:
Raporti i Departamentit të Shtetit:
“Ligji parashikon dënime penale për korrupsion nga zyrtarët, por qeveria nuk e zbatoi ligjin në mënyrë efektive. Pati raportime të shumta për korrupsion në qeveri. Zyrtarët ndonjëherë përfshiheshin në praktika korruptive pa u ndëshkuar.”
Qeveria Kurti II vazhdon ta mbajë në detyrë Ambasadorin Martin Berishajn. Pa një zor nuk e mbrojnë me kaq zell.
