Nënkryetarja e PDK-së, Vlora Çitaku, ka reaguar ndaj fjalimit të kryeministrit Albin Kurti, i cili sot nga foltorja e Kuvendit ka sulmuar prokurorinë.
Ajo ka vlerësuar se sulmet e Kurtit ndaj institucioneve të pavarur janë të frikshme.
Në profilin e saj në “Facebook”, ajo ka shkruar se kjo lloj mendësie synon të mbjellë frikë deri në nënshtrim.
“E paprecedent, e frikshme dhe e rrezikshme kur Kryeministri i vendit, nga foltorja e Kuvendit, sulmon institucionet e pavarura. Kjo lloj mendësie synon të mbjellë frikë deri në nënshtrim. Sepse, të nënshtruara i duan institucionet e pavarura, mediat, sindikatat, opozitën. Jo Kryeministër. Kjo mendësi nuk kalon”, ka shkruar Çitaku./PrishtinaPress/