Punëtorët e kompanisë “Kosova Thëngjill” po vazhdojnë të mos merren parasysh nga Qeveria e Kosovës. Pas disa protestave të vazhdueshme, atyre ende nuk iu është zgjidhur problemi. Janë mbi 160 punëtorë që siç thonë ata padrejtësisht kanë mbetur pa punë. Përmes protestave, këta punëtor po kërkojnë të rikthehen në punë pas ndërprerjes së kontratës nga Korporata Energjetike e Kosovës.
E një ngjarje e rëndë i ka ndodh mesditën e mërkurë një ish punëtori të “Kosova Thëngjill”. Ai u arrestua i shtrirë për toke pasi tentoi t’i afrohet kryeministrit të Kosovës Albin Kurtit para objektit të Qeverisë.
Ndonëse pamundësia për të realizuar një takim normal me ministren e ekonomisë, Artanë Rozvanolli dhe kryeministrin Kurti, ka bërë që ky qytetar të bëjë këtë veprim që rezultoi me arrestimin e tij në një menyrë të ashpër.
